Get Adobe Flash player

Istori dóu Coustume

Li formo e lis elemen dóu coustume d’Arle e de la Camargo que cargan dins nòsti fèsto e dins li manifestacioun remounton à d’epoco diverso. Es ispira dóu coustume bourgés e ciéutadin, qu’es passa dins lou pople, dins lou debana dis age e di chanjamen de modo. Au siècle dès-e-nouven, li coustume de vilo soun retipa sus la modo parisenco, subre tout dins li classo eisado de la poupulacioun.

En Arle e sa regioun, lou coustume a muda, mai, a serva si particularita. Dins lou debana dou siècle, lou coustume s’asatara i modo e usage dóu tèms e sara touca pèr l’unifourmisacioun di vèsti qu’après la proumiero guerro moundialo de 1914-1918 coume acò se fara dins tout lou païs. Lou coustume d’Arle sara de mens en mens pourta e aro es pourta unicamen pèr li fèsto e li gràndis óucasioun. Pamens dins li famiho, lou coustume se trasmet de maire en fiho coume un vertadié patrimòni famihau. L’elegànci dóu coustume d’Arle e lou famous  » brinde de rèino  » que baio li fichu de dentello, fan, que la renoumado que s’es acampado, passo nòsti frountiero. Cargan aquéu coustume en Pichoto Camargo pèr de resoun d’unita culturalo emé la Camargo e lou païs d’Arle desempièi li tèms li mai liuenchen.

Lou Coustume d’Ome

Dins lou siècle dès-e-vuechen, lou coustume d’ome en Prouvènço es proche de lou dis àutri regioun de Franço. Lou dimenche, li bourgés e tambèn l’ome dóu pople cargon uno culoto amplo e courto, de guèto o de debas, un boumbet coupa à la centuro e en-dessus uno meno de jaqueto ressarado à la taio e se per-loungant pèr dous panèu.

Passa la revolucioun, la culoto d’à cha pau sara descasado pèr li braio amplo. Lis ome se couifon dóu capèu de tres pouncho o dóu capèu round pourta en taravello. Pèr lou travail porton lou capèu de paio o lou bounet.

Lou Coustume de femo au siècle XVIII

Coume lou coustume d’ome, lou coustume de femo, en Prouvènço, es proche de lou dis àutri regioun de Franço. Subre-viéura dins si gràndi ligno, à la revoulucioun, pièi, à l’unifourmisacioun que se perseguis, bord que dins tóuti li vilo de Franço se regardavo la modo de Paris.

Lou coustume d’Arle se porto tambèn à Bèucaire e en terro d’Argènço au couchant, fin qu’is Aupiho e au gòu de Fos, au levant. Li marco dóu coustume soun si coulour vivo ispirado dis estofo dóu Levant, impourtado pèr la  » Coumpanié dis Indo-ourientalo « .
La femo dóu pople, pacano o mesteiralo, pourtavo lou droulet emé quatre basto, meno de vèsto duberto davans e à mancho courto, coupado i couide. Lou droulet èro de cadisset negre o de bourras, se pourtavo emé de soulié plat. Lou casaquin èro fa de tafata o d’indiano forço acoulourido. Si mancho èron un pau mai longo e se pourtavon emé de soulié di taloun aut. Lou droulet coume lou casaquin curbié uno jupo foundado de burat rouge en ivèr, d’indiano en estiéu.
Curbié d’àutri coutihoun de la memo meno en coutounado o boutis e s’arrestavo i boutèu. Apoundien, en dessus de la jupo, de pocho mountado sus un galoun qu’encenturavo la taio. Lou droulet s’acoumpagnavo d’uno couifo curbènt touto la cabeladuro, e encadrant la caro e d’un capèu di làrgis alo, lou capèu à la berigoulo.

Lou coustume d’Arle se porto tambèn à Bèucaire e en terro d’Argènço au couchant, fin qu’is Aupiho e au gòu de Fos, au levant. Li marco dóu coustume soun si coulour vivo ispirado dis estofo dóu Levant, impourtado pèr la  » Coumpanié dis Indo-ourientalo « .
La femo dóu pople, pacano o mesteiralo, pourtavo lou droulet emé quatre basto, meno de vèsto duberto davans e à mancho courto, coupado i couide. Lou droulet èro de cadisset negre o de bourras, se pourtavo emé de soulié plat. Lou casaquin èro fa de tafata o d’indiano forço acoulourido. Si mancho èron un pau mai longo e se pourtavon emé de soulié di taloun aut. Lou droulet coume lou casaquin curbié uno jupo foundado de burat rouge en ivèr, d’indiano en estiéu.
Curbié d’àutri coutihoun de la memo meno en coutounado o boutis e s’arrestavo i boutèu. Apoundien, en dessus de la jupo, de pocho mountado sus un galoun qu’encenturavo la taio. Lou droulet s’acoumpagnavo d’uno couifo curbènt touto la cabeladuro, e encadrant la caro e d’un capèu di làrgis alo, lou capèu à la berigoulo.

Lou jougne dóu siècle dès-e-vuechen, es lou  » cors  » enredi pèr de baleno. De drap en ivèr, es preferi en cotoun en estiéu. Li mai riche li fan taia dins de satin, de damas brouda d’or quàuqui fes e dins tóuti li cas richamen ourna e miraiejant. Li descouleta èron proun ausa, ansin li mesteiralo se curbien lis espalo em’un fichu d’indiano o d’un moucadou fin qui ié disien  » la moudèsto « . D’àutri chausissien un grand fichu crousa sus la peitrino. Ero mai riche e d’estofo mai relevado, coume lou crespo de Chino forço couloura. N’i a que pourtavon  » la palatino  » meno d’estolo di tres rèng de dentello broudado de coulour vivo. «  » La palatino  » ensarravo lou coui e toumbavo en se crousant sus lou pitre.
Di pròchi filaturo de sedo de Nime o Loudèvo fasien veni de debas de sedo. Li soulié èron cubert d’estofo preciouso, satin blanc, damas brouca, broucat, sedo, velout ourna de blouco e troumpo-lourdau. L’esclop èro pèr lou travai.

En ivèr li femo se curbien d’uno longo pelerino emé un capouchoun lista d’uno voulando à canoun. Après la revolucioun Se seguis la modo parisenco, lou  » cors  » es abandouna. Lou  » droulet  » s’acourchi e la jupo s’aloungo. Lou  » cors  » es ramplaça pèr un justacors di mancho estrecho e longo, lou  » caracò « , qu’es lou davancié de l’èso que pourtan vuei. De satin o de velout de coulour, a de mancho boufanto is espalo souto Carle X, que se duerbon i couide o en campano souto Napouleoun III, s’endevèn emé uno jupo large dis anco qu’es proche de la crenoulino. Li femo se cuerbon d’uno pouncho de cachomire forço coulourido o negre plecado armouniousamen, crousa davans e que si bout soun intra dins la jupo.

Laisser un commentaire

Vous devez être connecté pour publier un commentaire.

Catégories